Edito

Tsy mahavaha olana

Edito
Alarobia 10 Aogositra 2016

Fampanantenana no betsaka hatreto fa tsy misy ny asa mivaingana tena nanova zavatra hatramin�izay naha filoha an�i Hery Rajaonarimampianina.

Manome toky fa hanampy ireo mpamatsy vola saingy mihemotra noho ny fisalasalana. Malaza amin’ny resaka afera maizina mantsy ny tompon’andraiki-panjakana ambony maromaro eto amin’ny firenena. Mibaribary loatra ny fanjakan’ny akamakama eto ary mampiteny ny anarany ireo olona milaza fa akaikin’ny filoham-pirenena. Ity farany koa moa asa na tsy mahara-baovao tsara na tsy sahy manapa-kevitra ka manazava ny zava-mitranga marina na manilika avy hatrany ireo poizina ao an-dapa ao. Miteraka fahasosorana amin’ny olona ny mahita fa mipirilipo isan’andro amin’ny fiara tsara tarehy, tsy miaritra amboteiazy fa manivaka avy hatrany amin’ny ora rehetra ireo manampahefana kanefa ny vahoaka tena mitombo isa ny mitrongy vao homana isan’andro. Tsy mba misy mpitondra tonga saina mihitsy ve ka miezaka mikaroka vahaolana na dia ho an’ny fohy ezaka fotsiny aza aloha hanalefahana ilay fahoriam-bahoaka e ? Kisehoseho ety ivelany no hita isan’andro, karazam-pivoriana sy fihaonana, fa inona ary ilay vahaolana e ?

RTT