Edito

Tsy fantatra mihitsy e !

Edito
Alakamisy 04 Jona 2015

Miandry fa gasy ! Efa fomba fiteny mahazatra eto Madagasikara io. Antontan-taratasy roa samy mafonja no eny am-pelatanan�ny fitsarana avo momba ny lal�mpanorenana ankehitriny

. Re aza fa toa mbola misy taratasina depiote niova fo … hafa mety ho tonga eny indray. Manodidina hatrany ny fanonganana ny filoham-pirenena io resaka io. Andrasana izay hambaran’ny eny Ambohidahy, andrasana izay fanambarana ofisialy na dia efa fantapantatra ihany aza ny valin-teny. Hita nanomboka omaly, taorian’ny fanehoan-kevitry ny filoha nasionalin’ny TIM fa toa lasa lamaody indray ilay hoe miantso amin’ny hisian’ny fitoniana sy ny fifampiresahana. Raha tena izay tokoa moa ilay izy dia arahaba soa, arahaba tsara…Enga anie mba tsy hisy kajikajy politika indray, hoy ny olon-tsotra mba miady hevitra etsy sy eroa. Fa na izany aza dia tsapan’ny rehetra fa hay tena marefo ny fahefan’ity filoham-pirenena nambara fa lanim-bahoaka tamin’ny fifidianana demokratika ity, ka ny olona nosamboriny sy notanany am-ponja indray ity no toa mandamin-dresaka sy manampy azy mba hiaro ny fahefany. Aleo marina mba mitandrintandrina ihany fa tsy fantatra mihitsy izay havoakan’ny ampitso e !

RTT