Edito

Tsy ampy finiavana

Edito
Zoma 22 Aprily 2016

Rehefa navadibadika ny tahirin-kevitra hatramin�ny nitondran-dRajaonarimampianina ny firenena nanomboka ny 25 janoary 2014 dia

hita fa tena maro tokoa ny tetikasa hita fa hampandroso ny firenena, hiadiana amin’ny fahantrana. Ny olana miverimberina anefa dia mijanona amin’ny sehatry ny vola ny zava-drehetra. Mikatso ilay fitondram-panjakana raha vao asa mivaingana no resahana. Tsotra ny antony : tsy misy ny vola ! Fa nahoana no tsy misy ny vola ? Satria ny tahiry nananan’ny firenena dia efa lany nampihodinana ny raharaham-panjakana nandritra ny tetezamita. Tsy afaka namokatra i Madagasikara noho ny olana nianjady tamin’ireo orinasa ka narary ny toekarena. Ireo mpamatsy vola moa dia nanidy poketra satria tany tsy milamina, nisy fanonganam-panjakana ary tsy mbola misy fitoniana isika. Ny tena zava-doza eto dia sady mandainga amin’ny vahoaka, no mandainga amin’ny tenany ny mpitondra, diso paikady, diso kajy ka izao fiainana dangodango izao no misy eto amin’ny firenena. Toa samy manao izay saim-pantany fotsiny sisa. Grevy etsy sy eroa, tsy misy vahaolana mahomby. Halatra, fisolokiana, fakana an-keriny, fandrobana, re avy eo fa hoe manana mpiaro ao ambonimbony ao ilay jiolahy tratra. Afaka mandamina izao savorovoro iainan’ny firenena izao ny mpitondra raha tena manana finiavana politika ho amin’ny soa iombonana marina fa tsy variana miaro ny sezany fotsiny.

RTT