Edito

Tsena eny Behoririka Miahiahy fatratra ny mpivarotra

Edito
Alarobia 02 Jolay 2014

Nanapa-kevitra ny hamindra ireo mpivarotra amoron-dalana eny amin�ny Magro Behoririka ny mpitantana ny tan�nan�Antananarivo Renivohitra....

Nanomboka ny faran’ny herinandro lasa teo ny fandaminana toy ny fizarana laharana ho an’ireo mpivarotra nangata-toerana sy voasoratra ara-dalàna. Nitohy tamin’ny famaritana toerana izany ny alatsinainy ary tonga nidina nanadio ny manodidina kosa ny mpiasan’ny kaominina omaly talata. Tsikaritra ho tsy mbola vonona ny hivarotra kosa ireo mpivarotra teny an-toerana. Fanontaniana marobe moa no heno nivoaka ny vavan’izy ireo toy ny hoe tena vahaolana maharitra tokoa ve ity haroson’ny kaominina ity ? Matahotra mantsy izy ireo sao dia vonjy tavanandro fotsiny. Ny sasany rahateo dia mihevitra fa toa fandrebirebena fotsiny ilay izy satria manana ny tompony io toerana natolotra hivarotan’izy ireo io. Alahelon’ireo mpivarotra koa, ohatra, ny tsy fisian’ny toerana fivoahana izay laharam-pahamehana hanajana ny fahadiovan’ny mpiara-belona. Mbola fanontanian’izy ireo ihany koa ny mikasika ny fandriampahalemana. Ireo tompon’andraikitra mitantana ny tanàna irery ihany no afaka hamaly ireo fanontaniana ilam-baliny ireo.