Edito

Tomban�ezaka sa mampifezaka ?

Edito
Alarobia 28 Desambra 2016

Telo andro sisa dia higadona ny andro hanaovam-beloma ny taona 2016. Samy nanana ny fahitany azy mikasika azy iny ny isam-batan�olona.

Ny tsikaritra sy niaraha-nahita aloha dia anisan’ny nanamarika azy iny ny ady sy fifanenjehana. Nisongadina indrindra ireo tolona mikasika ireo adin-tany sy fanoherana fitrandrahana harena ankibon’ny tany tamina faritra maro manerana ny Nosy, toy ny tetsy Ilafy sy Anjozorobe ary Soamahamanina. Tao ihany koa ny fisamborana mpanao politika samihafa izay heverin’izao fitondrana izao fa nanohintohina azy ary na ireo noheverina fa tanana an-kavanana aza moa dia nohenjehina sy nadoboka ihany koa. Ankoatra ny lafiny sosialy sy politika dia anisan’ny nisedra onja nakadiry ihany koa ny teo amin’ny tontolon’ny zavakanto sy ny kolontsaina. Olomangan’ny sarimihetsika sy ny hira sy mozika ary literatiora maro no lasan’iny 2016 iny. Asa fampihorohoroana, asan-dahalo, tsy fandriampahalemana, tsy nisy izay tsy nandalo teto. Heverina ho zava-dehibe kosa, na dia noseranan-desoka ihany koa aza, ny nandraisana ireo fihaonana an-tampony iraisam-pirenena roa dia ny Comesa sy ny Frankofonia. Manoloana ireo rehetra ireo, inona re no tokony hokabariana eny Iavoloha e ? Tomban’ezaka tokoa ve sa, tombana mampifezaka ?

Mirija