Edito

TARIKA NY AINGA Hampifaly ny vahoakan'Itaosy

Edito
Sabotsy 28 Jona 2014

Hampifaly ny vahoakan'Itaosy eny Atsimondrano indray ny tarika Ny Ainga ny Alahady 29 jona ho avy izao. Ao amin'ny kianjan'ny sekoly masindahy Misely Itaosy no hanatanterahana ny lanonana, manomboka amin'ny 2 ora sy sasany folakandro....

Hiavaka dia hiavaka ny fampisehoana raha araka ny fanazavan'i Omguy. Hovetsoin'ny tarika amin'io fotoana io avokoa mantsy ireo hira nahafantarana azy hatramin'izay ao anatin'ilay teny filamatra vazo milay. Tsy ho latsa-danja amin'izany ireo mpandihy izay hanafana ny sehatra izay marihina fa efa matihanina avokoa. 3.000 Ar no vidim-pidirana. Haharitra ora maromaro ny fampisehoana, hoy ihany i Omguy izay efa santatry ny vakansy lehibe sahady. Aorian'Itaosy moa dia mbola hitety faritra maro ny tarika, araka ny fanazavana azo ihany ho fanomezana fahafaham-po ny rehetra.