Edito

Surprise !

Edito
Alarobia 04 Jolay 2012

Hanomboka tsy ho ela ny fanamboarana ny tempolin�ny rugby eny Andohatapenaka. Izay no �Surprise� nanokafan�i Andry Rajoelina ny masom-panahin�ireo tanora mandrafitra ny ekipam-pirenena malagasy amin�ny taranja rugby, tonga tao an-dapa omaly handray fandrisika taminy.

Ny sabotsy 28 mey 2011, raha avy namonjy santabary tany Antanetimboahangy, Kaominina Analavory, Faritra Itasy i Andry Rajoelina no efa nampanantena ny mpitia lavalava io tempolin’ny rugby io raha nivantana teo amin’ny kianja Malacam, vao avy nasiam-panamboarana tamin’izay. “Surprise” tokoa raha nifoha tampoka avy any indray ilay fampanantenana ! Fa tena “surprise” koa ho an’ireo tanora nampanantenaina kianja sentetika sy dobo filomanosana olimpika, nefa mandrak’ity ny anio tsy nanomboka ny asa. Miandry vasoka ny ao Amoron’i Mania. Ny Gaonan’Alaotra aza moa efa tamin’ny septambra 2009 no nampanantenana kianja sentetika mba tsy hilalao amin’ny vovoka intsony, kanefa indrisy. “Surprise” !

Jean D.