Edito

Sempotra tanteraka

Edito
Zoma 25 Septambra 2015

Nametraka fepetra hentitra amin�i Madagasikara ho tambin�ny fahazoany fampindramam-bola ny tahirimbola iraisam-pirenena (FMI) ka tafiditra ao anatin�izany ny fanafoanana ny vola fanentsenan�ny fanjakana ny banga amin�ny vidin-tsolika na ny � subvention �

. Hihatra manomboka amin’ny volana oktobra noho izany ny vidin-tsolika tena izy eto amintsika, izay midika fa hiakatra ny vidin’ny solika. Etsy an-kilan’izay dia latsaka ambany dia ambany ny tahirina vola vahiny ao amin’ny banky foibe, ary tena marary ny vola malagasy. Tsapa ho miantraika mafy amin’izay ankehitriny ny krizy noho ny fanonganam-panjakana ary voaporofo fa fanapotehana ny firenena no natao teto nanomboka tamin’ny 2009. Nihinana ny harem-pirenena sy ny tahirina vola vahiny nananan’i Madagasikara no nataon’ny fitondrana tetezamita. Henjana ny fanarenana ary hita ho tena sempotra ny fitondram-panjakana. Ho raharaha ny hitranga eto afaka 3 volana raha tsy manana paikady matotra ireo mpitantana satria ny vidim-piainana dia tsy maintsy hisondrotra, ny volam-panjakana hihena, hanampy trotraka ny fahatongavan’ny orana ary dia tsy ho azo aleha ny ankamaroan’ny lalana eto Madagasikara. Mitohy ny krizy e !

RTT