Edito

Sao mba tsy rariny e !

Edito
Alatsinainy 08 Aogositra 2016

Mirongatra ny herisetra. Tsy ambanivohitra, tsy an-tan�n-dehibe fa io izao no eny ambavan�ny olona.

Tetsy Ampanefy, hafahafa no andrenesana fa polisy indray no mihaodihaody eny nefa ny tany tsy milamina. Nidoboka any Tsiafahy moa ny nahiahiana. Any Andranovory Toliara, notifirina ankitsirano izao ny mompera mba hangalarana ny lakolosim-piangonana. Fitahian’Andriamanitra fa dia efa mahatsiaro saina izy, na niantefa teo amin’ny tratrany aza ny bala. Any Tanambe, maty nofirin’olon-tsy fantatra ny vadin’ny Ben’ny tanàna teo aloha, izay anisan’ny manohitra ny fitrandrahana ataon’ny vahiny ao amin’ny Kaominina niadidiany teo aloha. Any Tsimalao-Befandriana Avaratra, tantsaha mpiomby miisa enina manana ny omby very nangalarin’ny dahalo indray no tazonina am-ponja miaraka amin’ny Ben’ny tanàna. Inona loatra ity zava-mitranga eto amintsika ity fa toa mivadika ny gilaoby ? Ny natao hiaro no mandroba, ny noheverina hiaro ny osa sy ny ory indray no mandentika an-davaka. Sao mba tsy rariny e !

Jean D.