Edito

Samy tsy mahafeno fepetra !

Edito
Alatsinainy 24 Aprily 2017

Hifarana ihany ity ny taom-piasan�ny fitondrana ankehitriny. Tsy mety tafapetraka ny fampihavanana tena izy

, tsy mety voatendry na voafidy izay tena tokony ho lehiben’ny mpanohitra, ny raharaham-pirenena anefa mitsingalam-boangidina sy tsy ambony tsy ambany toy ny lohalik’alika ka tsy hita izay handraisana azy fa ny eo ihany no mody ahodinkodina mba tsy ahafahan’ny valalabemandry maharaka izay ambonin’ny tany. Na inona na inona aloha lazaina, ny hitan’ny olona dia nody nimenomenona ny mpanohitra sasany teo nanoloana ny gaboraraka efa mampiaiky izao tontolo izao. Ny milaza azy ho mpanohitra sasany aza moa tsy nandrenesam-peo mihitsy fa mamono finday rehefa antsoina. An-kilany, ny mpitondra dia tsy hita izay andraisana ny tiany holazaina fa Raiamandreny, hono, izy ireo na tsy ho tonga mandrakizay aza ny famatsiam-bola ahafahana mamonjy ny firenena farafaharatsiny. Atao inona mpanohitra tsy maharesy lahatra ny fanoherana ataony ? Atao inona mpitondra miala bala isak’izay mihetsika ? Mbola ho ela angamba vao hahafeno ny fepetra maha izy azy ireo marina ny mpanao politikantsika !

Mirija