Edito

Samia mijery fitaratra !

Edito
Talata 27 Martsa 2018

Na ny mpitondra na ny mpanao politika na ny vahoaka dia samy mifanome tsiny sy mifanilika ny hadisoana daholo. Ambentin-tenin’ireo mpanara-baovao fa ireo miaramila na ny fitsarana eto mihitsy no fositra.

Ny an’ny mpanao politika indray dia ny fitondrana nifandimby no antony. Ny an’ireo fitondrana nifanesy moa dia tao ny nahatonga ilay hira iray izay hoe « Tsy mbo ‘zah ». Tao ny nilaza ho nandova trosa tamin’ny teo aloha ary ny ankehitriny moa dia ny talohany rehetra no nampijabaka azy ankehitriny, raha fehezina ny voalaza. Fa iza moa no nisafidy ny ho eo an-tampony eo mba tsy hilazana fa nibodo ? Tsy ianao izay efa niniana ny hanafaka ny firenena ao anaty fahantrana ve ? Tsy ianao izay miaiky fa maneran-tany ny fiakaran’ny vidim-pianana ? Sao tokony samy hijery fitaratra aloha ny tsirairay hanontany ny tenany hoe inona no mba efa vitako teto amin’ity fireneko ity ? Ohatra fanaon’ireo niofana momba ny haitarika na « Leadership » matetika ilay tenin’ny filoham-pirenena amerikanina teo aloha izay anisan’ny heverina fa mbola mampatanjaka ity firenen-dehibe ity hatramin’izao hoe « Mialoha ny hametrahanao fanontaniana hoe inona no tokony hataon’ny firenena amiko dia anontanio aloha izay tokony hataonao amin’ny firenenao. ». Rahoviana ary izany no hampiharina ary iza avy no sahy hanao fitarihana mahomby hampihatra azy ? Samia mijery fitaratra !

J. Mirija