Edito

Partagé sur :
• facebook

Ao anatin’ny fankalazana ny faha-150 taona nisian’ny gazety isika amin’izao fotoana izao.

 Tao anatin’izay fotoana lava be izay dia maro ny sedra efa nandalovan’ireo gazety teto Madagasikara toy izay nitranga hatrany  am-piandohana mihitsy ohatra tamin’ny gazety nisy teto voalohany dia ny « Teny soa hanalan’andro » izay nanomboka tamin’ny taona 1860. Maro ireo sivana nihatra tamin’ny faha mpanjaka fa indrindra nandritry ny fanjanahantany. Araka ny fanazavan’ny profesora Razafiarivony Michel izay nanao fikarohana manokana momba ny soa nentin’ny gazety Anglikanina azy moa dia ireo  gazetim-piangonana no hany nanabe ny maha olona sy nanangana ny firaisam-pirenena. Ny antony,  hoy izy, dia satria ireo gazety ireo dia nosoratana tamin’ny teny malagasy ary nizara fahalalana ho an’ny olona hatrany tamin’ny fampahafantarana ireo tantara, ny resaka toekarena, ny literatiora ary lafin-javatra hafa marobe mikasika ny malagasy na teo amin’ny lafiny fomba  izany na ny kolontsaina ihany koa. Tetsy an-kilany anefa ny mpanjanaka dia niezaka namafa ireo maha izy azy ireo tamin’ny alalan’ny filazana fa azy ireo ny tany ary manahaka azy fotsiny isika satria ratsy ny fombatsika, ny tenintsika ary tenantsika mihitsy izay mainty. Omaly tolankandro moa dia nanazava tamin’ny alalana vela-kevitra izay notontosainy teny amin’ny Akademia Malagasy eny Tsimbazaza mikasika io fandalinany io mihitsy ity profesora ity.

Mirija

Tia Tanindrazana

Samia mijoro ho an'i Gasikara.