Edito

Potehana miandalana

Edito
Zoma 27 Novambra 2015

Manomboka miteraka resabe etsy sy eroa ankehitriny ny momba ilay fampiatoana ny zotram-piaramanidin�ny Air Madagasikara mankany Azia.

Na ny mpiasan’ity kaompaniam-pitaterana ity na ny mpandraharaha na ny olon-tsotra dia samy taitra ny amin’ilay resaka. Fa inona no tena antony, ary inona no ao ambadik’ilay izy ? Mifanandrify amin’ny ho fahatongavan’ilay kaompania Tiorka amin’ny tapaky ny volana desambra izy ity ary nitranga taorian’ny fanomezana ny fitantanana ny seranan’Antananarivo sy Nosy Be hotantanan’ny Frantsay. Fifanandrifian-javatra fotsiny ve ? Raha misy ny fatiantoka na tsy fahampian’ny vola miditra, dia ny fampiatoana ilay sidina ve no tena vahaolana mahomby ? Inona sisa izany no hiveloman’ny Air Madagascar raha foanana io zotra fantatra fa tena be mpandeha io ? Ato anatiny efa misy kaompania tsy miankina mifaninana aminy, ny mankany ivelany efa tsy latsaky ny 4 ireo kaompania vahiny mifanandrina amin’ny Air Madagascar. Sa tena mitombina tokoa ilay hoe potehana miandalana ity orinasa ity mba hividianana azy mora avy eo ?

RTT