Edito

Politika diso toerana

Edito
Alarobia 18 Novambra 2015

Miditra lalina loatra amin�ny raharahan-tokantranon�ireo mpanakanto ny minisiteran�ny Kolontsaina sy ny Asa tanana.

Tsy mitombina velively ny fanapahan-kevitra tsy ampiheverana nataon-dramatoa minisitra nanala tamin’ny toerany ny talen’ny OMDA. Tsy fahefan’ny minisitra mpiahy mantsy ny manaisotra ny tompon’andraikitra voalohany eo anivon’ity Ofisim-pirenena misahana ny zon’ny mpamorona ity, araka ny feo iombonan’ireo artista marobe tompon’ny petra-bola be indrindra. Niezaka nifampiraharaha ary mbola manohy ireo hetsika fandresen-dahatra ny minisitra tsy hampihatra io politika diso toerana fanesorana ny mpitantana io moa ireto masoivoho mpivoy ny soatoavina sy ny kolontsaina Malagasy ireto. Raha tsiahivina dia fandaminana ny lafiny ara-bolan’ireo artista mpikambana ao amin’ny OMDA no antony nanesoran’ny minisitera mpiahy ity lehiben’ny rafitra mikirakira ny zon’ny mpamorona eo Madagasikara ity. Mazava anefa ny hafatra avy amin’ireo tompon’antoka voalohany amin’ny fampiroboroboana ny kolontsaina Malagasy. Tsy ekena ny fampidiran’ny Fanjakana fanapahan-kevitra politika eo ny tontolon’ny zavakanto toy ny noraisin-dramatoa mpikambana ao amin’ny governemanta ankehitriny, manizingizina anefa ity farany fa sampana miankindoha amin’ny minisitera sahaniny ny OMDA, ka fahefany feno ny manolo ny Taleny.

Ramano F.