Edito

Partagé sur :
• facebook

«Fandraisana andraikitra no nanosika ahy ho kandida ben’ny tanàna eto Ivato», hoy Penjy Randrianarisoa nandritra ny fametrahany ny antontan-taratasy filatsahan-kofidiana teny amin’ny Ovec Ambohidratrimo omaly.

«Fandraisana andraikitra no nanosika ahy ho kandida ben’ny tanàna eto Ivato», hoy Penjy Randrianarisoa nandritra ny fametrahany ny antontan-taratasy filatsahan-kofidiana teny amin’ny Ovec Ambohidratrimo omaly. “Tonga ny fotoana hitondrako ny anjara birikiko amin’ny fanarenana ny tanànan’Ivato”, hoy ny ny fanazavan’ity mpanao gazety efa zatra mifanerasera amin’ny mpiara-belona ity. Tsy nisy mihitsy ny olana tamin’ny fisafidianana ny anaran’izay olona hitondra ny fanevan’ny antoko naorin’ny filoha teo aloha Ravalomanana Marc teo anivon’ny samy mpikambana eny an-toerana. I Penjy Randrianarisoa izany no kandida ofisialy natolotry ny mpikambana ifotony 100% ary nahazo ny tso-drano avy amin’ny birao foiben’ny Tiako I Madagasikara niaraka tamin’ireo lisitra mpanolotsaina atolotry ny antoko TIM amin’ny fifidianana Kaominaly ny 31 jolay 2015 izao. Izy no kandida Ben’ny tanàna  mpifaninana faha-4  ao amin’ny Kaominina Ivato, araka ny fanampim-baovao avy amin’ny filohan’ny OVEC Ambohidratrimo. 10 kosa hatreto no isan’ireo kandida nanatitra antontan-taratasy hifaninana ao anatin’ny Distrikan’Ambohidratrimo.

Ramano F.

Kandida Ben’ny tanàna Penjy Randrianarisoa notronin’ireo mpanolotsaina iray lisitra aminy teny amin’ny OVEC Ambohidratrimo

Tia Tanindrazana

Samia mijoro ho an'i Gasikara.