Edito

Ny omaly tsy niova !

Edito
Talata 21 Aprily 2015

Zary lasa hanihany ifanaovan�ny olona eny rehetra eny amin�izao fotoana ny hoe : fa misy mpitondra ihany ve eto e ? Fa mbola tetezamita moa ve no iainantsika izao ? Tsy nahatsapa fiovana ny olona matoa miresaka tahaka izany, ny hita aza dia vao miha lafo ny vidim-piainana, ary nitotongana ny sandan�ny vola malagasy

. Mahatsiaro sahirana ny isan-tokantrano, ny ririnina ity ho avy, maro koa ireo ankizy mpianatra hiatrika ny fanadinam-panjakana vita izay dia efa hieritreritra amin’ny vola tsy maintsy tadiavina hampidirana ny mpianatra amin’ny volana septambra sy oktobra ireo ray aman-dreny. Ny resaka raharaham-pirenena anefa ity toa mampanahy be ihany, hisy ihany ve ilay fifidianana sa tsia ? Hilamina ve aorian’ilay fifidianana raha toa ka tanteraka ihany ilay izy ? Ahoana ity fampihavanam-pirenena toa mandrianga ity fa ankolafy politika 3 amin’ny 5 no nisitaka ary tsikaritra ho manao tazan-davitra fotsiny ny sehatra iraisam-pirenena kanefa tany am-boalohany nanome toky fa hanampy ara-bola sy ara-pitaovana. Inona no dikan’izany fiovana tampoka izany indray ? Ny resaka famatsiam-bola avy any ivelany aloha dia nijanona ho fanambarana fa hatreto tsy misy izany vola azo izany. Ny omaly tsy niova no misy e ! Ary mety ho ratsiratsy kokoa aza.

RTT