Edito

Nangoabelaky

Edito
Alarobia 28 Oktobra 2015

Misy fitenin-jatovo avy any amin�ny tapany atsimon�ny nosy iny manao hoe � Mangoabelaky � na vasoka ho an�ny aty afovoan-tany.

Tonga ato an-tsaina ankehitriny io teny io satria dia izany mihitsy no zava-miseho sy mihatra amin’ireo havantsika iharan’ny kere na ny tsy fahampian-tsakafo sy tsy fahampian-drano any amin’iny faritra Androy sy Anosy iny. Tsy azoazon’ny tompon’andraiki-panjakana maro io teny hoe kere io kanefa dia izay aloha ny zava-misy. Tsy sary foronina toy ny fahitan’ny praiminisitra azy io na lainga araka ny resak’ilay ramatoa solombavambahoaka iray mpiaro fatratra ny fitondrana. Asa izay mety ho fihetsiny raha mahalala izy fa ity filoham-pirenena lazainy miasa mafy ho an’ny vahoaka ity anie ka migalabona tsara amin’ny hotely lehibe any parisy, miaraka amin’ny vady aman-janany sy ireo mpiara-miasa akaiky azy e ! Na volany manokana na volam-panjakana no laniny amin’izany dia mipetraka hatrany ny fanotaniana hoe : tokony ho fotoana hanaovan’ny filoham-pirenena fiainana sy fandanina ve aloha izao fotoana hisian’ny mpiray tanindrazana aminy maty tsy mihinan-kanina izao ?

Rabri