Edito

Nangingina

Edito
Talata 07 Aprily 2015

Somary nangina tamin�ny ankapobeny ny fetin�ny paska na dia teo aza ireo lanona maro samihafa tetsy sy teroa.

Nisy tamin’izy ireny no nahazo olona fa teo ihany koa no nitsefotra araka ny fomba fiteny satria dia vitsy dia vitsy ny mpijery tonga fa tsy araka ny dokambarotra totoafo natao nandritra ny roa herinandro. Inona no mety nampangatsiatsiaka ny fetin’ny paska tamin’ity taona ity. Ny fahasahiranana eo amin’ny isan-tokantrano ve sa ilay vanim-potoana mihitsy no tsy dia misy lanjany manokana amin’ny olona ? Tena sahirana ny olona noho ny fidangan’ny vidim-piainana, hany ka mitsitsy vola sy tsy afaka migalabona be firy intsony amin’ny resaka fety aman-danonana. Izao vao tena miantraika amin’ny isam-batan’olona ny krizy nateraky ny fanonganam-panjakana tamin’ny 2009. Na izany aza, niezaka ny nanala azy ihany mba hanadinoana kely ny gidragidram-piainana isan’andro ny olona.

RTT