Edito

Nahazo volon-tany ?

Edito
Alakamisy 29 Septambra 2016

Tsy nipoitra teny amin�ny fankalazana ny andro iraisam-pirenena ho an�ny fahazoam-baovao ny mpitondra fanjakana na roa andro aza no nankalazana azy io tetsy Antanimena

. Fantany ny nataony. Ny fahafahana teto amintsika dia nogejainy hatrany ary tsy vao izao io fa efa tarazon’ny sivana tany amin’ny fanjanahantany. Na ny fampitam-baovao mikasika ilay hetsika fankalazana aza nangina. Fampitana sy fahazoam-baovao no foto-dresaka kanefa dia tonga amin’ilay fitenin’ny mpanaraby hoe “bla bla bla” e ! Resaka fotsiny no betsaka fa ny ventiny tsy misy mitobaka. Nisy ny mpanao gazety tonga naka vaovao teny an-toerana mba te hamantatra ny fahitan’ny sampandraharaha iraisam-pirenena momba ny fanabeazana sy ny kolontsaina ary ny vakoka (UNESCO) ny tontolon’ny serasera eto amintsika saingy tsy nisy izay tsy nilaza ho sahirana naka vaovao teny an-toerana. Na ny olon’io fikambanana iraisam-pirenena io aza ve dia efa nahazo volon-tany amin’ny resaka fampitam-baovao eto amintsika ? Sa ny mpiara-miasa malagasy amin’izy ireo no misy be vinany ?

Mirija