Na izany aza… !

Partagé sur :
• facebook

ny etsy amin’ny Antenimierampirenena

manomboka anio, izay vanim-potoana sokajiana ho manamarika ny fidirana politika ihany koa. Betsaka ireo toe-javatra mifamahofaho, toe-draharaha mafampana sy miteraka adihevitra samihafa,… Tsy ilaozana resabe ny fiainam-pirenena, ka anisany io raharaha mikasika depiote iray izay nosamborina io. Toa lasa any no ifantohan’ny raharaham-pirenena, saingy tsy azo hamaivanina sy mety ho taratry ny ho avy hoe : manao ahoana ny fandraisana andraikitra amin’ny atao amin’ny tsimatimanota ? Na izany aza, sao variana tokoa amin’ny adin’akoholahy ka adino ny adin’ombalahy ? Mbola betsaka ireo ambana, mbola betsaka ireo olana, mbola betsaka ireo fanamby,… Ekena ny ezaka vita toy ny fampiakarana ny karaman’ny mpiasam-panjakana 14%, ny vatsim-pianarana 20%,… fa ny sondro-bidim-piainana ihany koa mitady hanafosafo ny 10% ka sao ny teo ihany no ho eo ? Manao ahoana ny politika ara-toekarena hiatrehana ny ambana iraisam-pirenena izay efa miantraika aty amintsika toy ny vidin-tsolika niakatra indray ? Manao ahoana ny politika ara-toekarena sy ara-tsosialy eo anatrehan’ny tahan’ny tsy fananan’asa ambony ? Mety mbola mila ezaka lavitr’ezaka ireny, fa isan’ny mety manitikitika ny maro dia ny hoe : mizotra mankaiza marina ny fanavaozana, fikaonandoham-pirenena, fanatsarana ny lalàmpanorenana, fanatsarana ny lalàna sy fiatrehana fifidianana,…
Toky R
 

Tia Tanindrazana

Samia mijoro ho an'i Gasikara.