Edito

Mpitari-bato vilam-bava

Edito
Alakamisy 14 Jolay 2016

Nisy fanamarihana miendrika fanakianana ihany avy amin�ny fitsarana avo momba ny lal�mpanorenana mahakasika ilay lal�na fanitsiana ny tetibolam-panjakana 2016 nolanian�ny solombavambahoaka farany teo.

Fanamarihana izay midika fa misy zavatra tsy mifanaraka amin’ny lalampanorenana tao. Tranga izay manaporofo hatrany fa tena misy ny kitoatoa amin’ny fomba fiasan’ny depiote eny Tsimbazaza eny, ka na misy aza ny zavatra efa hita izao fa hafahafa dia laniana ihany satria izay angamba no baiko azon’ny maro an’isa. Loza amin’atambo rehefa ny fahefana mpanao lalàna no manana fomba fiasa tahaka izany. Tsy hiadiana hevitra eto na fahadisoana lehibe na kely fa rehefa tsy manaja ny lalàna aloha dia efa fahotana mahafaty izay. Rahoviana no mba hisy adihevitra tena matotra tsara ary mitsinjo tokoa ny tombontsoa iombonana eny amin’ity lapan’ny depiote ity ? Tezitra izy ireo rehefa voapanga ho mandray vola ho takalon’ny safidy atao, kanefa mazava be fa misy zavatra tsy milamina ao e ! Aiza moa no hilamina ny firenena, ireo mpanao lalàna mihitsy hay no manondrana !

RTT