Edito

Mokon-doha tsy mankaiza

Edito
Zoma 20 Mey 2016

Manao ahoana ianao any izao ry Jean a ! Mbola mihevotrevotra ihany sa efa mba tony saina e ? Hay ianareo tena ekipa be mihitsy no niondrana tany amin-dry kely maso tompon�ny biznesy a�Dia inona ny voan-dalana ?

Mba mahazo manantena ihany ve izahay sa efa misavovona ny komandin-dramatoa ka tsy nahazaka intsony ianao. Sady fetin’ny reny anie amin’ny alahady e ! Marina raha hanaiky moramora foana iny madamanao iny. Ny resaka mandeha be aty an-tanàna izao dia hoe ilay raopilanina iny no toa hoe saika nataonao fanomezana ho azy kinanjo moa tsy hita popoka tampoka teo ilay izy dia ambaranareo fa tsy nisy an’izany akory fa izahay no mamorona. Tena lany hevitra aho ry Jean ! Tsy hitako intsony izay hananarana anareo fa toa be marenina sady be mokon-doha. Eny e, mety efa voaomana tsara ny toerana hialokalofanareo rehefa raikitra ny sakoroka eto. Mitandrema ihany anefa fa ny olona anie mba miketrika koa eee…