Edito

Misavorovoro indray

Edito
Alarobia 15 Aprily 2015

Tsy misy izany fikasana hanome ny sehatra tsy miankina ny fitantanana ny Jirama izany hoy ny minisitry ny angovo , hita ihany koa ny marimaritra iraisana teo amin�ny mpiasan�ny Jirama sy ireo mpitantana na dia mbola misy ihany aza ny ahiahy tsy hihavanana.tantara mbola mitohy kosa ny eny amin�ny Adema eny, asa izay ho fisehony.

Nahitsy toraka ny filoha teo aloha Ravalomanana ary nilaza mihitsy fa mandainga ny fitondram-panjakana, feno ny kapoaka ho an’ity filoha teo aloha ity ka nisafidy ny hisitaka amin’ny fampihavanam-pirenen’ny FFKM aloha izy sy ireo mpiara-dia aminy.Mbola ho tadiavina ny ampaham-bola hanaovana ny fifidianana, andrasana izay tena isan’ny mpanolotsaina marina amin’ny kaominina isanisany satria mbola tsy nivoaka io ; toa misy tsy fifankazahoan-kevitra izany eo amin’ny samy mpitondra fanjakana.Misimisy ihany koa ny fitokonana sendikaly efa manangasanga !Izany no toe-draharaha misy ankehitriny, ka asa hoe mbola azo eritreretina ihany ve ny hahatontosan’ny fifidianana ben’ny tanàna amin’ny 31 jolay ? Toa manomboka mikorontana ambony ambany indray mantsy ilay raharaham-pirenena ary tsy tena azo antoka fa hahita vahaolana haingana amin’azy io ny mpitondra, ka dia asa indray izay hiafarantsika eto amin’ity taona ity e !

RTT