Edito

Misavoritaka

Edito
Zoma 26 Febroary 2016

Mampitolagaga mihitsy ny tsy firaharahian�ny mpitondra fanjakana amin�izao fotoana ny fahasahiranana sy ny tsy fisian�ny fitoniana eto amin�ny firenena ;

mbola kabary sy fampanantenana ihany no atao betsaka, tsy misy ny vahaolana tena mahomby anefa.Tsy takatry ny sain’ireo manampahefana ve fa zava-doza anie ity firongatry ny fitsaram-bahoaka ity e.Midika izany fa tsy mahatoky ny fanjakana sy ny mpitandro filaminana ary ny fitsarana intsony ny olona ; ny herisetra mitranga etsy sy eroa, tsatok’antsy, fitetitetehana olona, fanolanana zaza tsy ampy taona, fanariana zaza menavava, ambalavelona, zanaka mahavita mamono mahafaty ray aman-dreny.Savoritaka any anivon’ny fiaraha-monina sy eo amin’ny fitantanana ary any amin’ny fanaovana politika .Areti-mandoza hamotika ny fiaraha-monina izany ary hanimba ity firenena ity, fa dia tsy hita ihany izay vahaolana azo tsapain-tanana ataon’ny mpitondra e !Tsy voakarakara ny vahoaka, hananganana ady ny mpandraharaha, sa tena ny hisian’ny ady an-trano mihitsy ve sanatria no ketrehana eto ?

RTT