Edito

Misavoritaka

Edito
Zoma 12 Jona 2015

Hazakazaka arahin-tosika ny asan�ireo mpanolotsaina ambony eny amin�ny fitsarana avo momba ny lal�mpanorenana. Tena miankina amin�izy ireo tokoa mantsy ny ho tohin�ny raharaham-pirenena.

Ny fahitana ny zava-misy amin’izao fotoana dia savorovoro ara-panehoan-kevitra no misy mialoha ny hivoahan’ny didin’ny HCC. Somary mampanahy ihany noho izany izay mety hitranga aoriana. Efa tena tafiditra ao anatina krizy iray vaovao indray isika eto Madagasikara ankehitriny satria ny any amin’ny faratampony amin’ny fitantanana ny firenena mihitsy no mikatso noho ilay fifandirana eo amin’ny filoham-pirenena sy ireo solombavambahoaka. Niteraka fisamatsamahana eny amin’ny fiarahamonina izy io, mbola vao miha manampy trotraka izany ny paikady politika avo lenta, izay manararaotra ny zava-misy na efa nanomana mialoha izao fisavoritahana rehetra izao fa mba mody manao sinema fotsiny aloha. Voahoso-potaka indray ilay ezaka fampihavanam-pirenena notarihan’ny FFKM ary tena miverina « zéro » araka ny fomba fiteny izao ilay fampihavanana, ady indray izao no misy eto amin’ny tany sy ny fanjakana. Tsy ny vahoaka akory no miady fa ireo mpanao politika tia tena no mampiady sy manakorontana.

RTT