Edito

Mila alamina !

Edito
Sabotsy 01 Oktobra 2016

Miha mafana ny toe-draharaham-pirenena ankehitriny. Raha fampihavanana no nandrandraina dia fampizarazarana no hiafarany.

Nifandona sy nifandatsa-dra ny mpitandro ny filaminana sy ny vahoaka tany Soamahamanina. Nanomboka nanao be fiavy koa ry zareo teo anivon’ny Sempama ny faran’ny herinandro teo. Tsy ny harena ankibon’ny tany fotsiny no mitady ho lasa tsikelikely fa hatramin’ny haren-tsaina ihany koa. Efa hisy indray mantsy ny raharaham-pitsarana mikasika ady tany eny Ilafy izay hifanandrinana teratany karana sy malagasy ny 5 oktobra izao. Toy izany koa ny zava-misy eny Alakamisy Fenoarivo eny. Manomboka miha mangotraka koa ny resaka ady tany amina resaka vakim-paritra iray eny an-toerana. Ny Malagasy variana amin’ny ady an-trano fa ny olona kosa mitavana izay rehetra azo atao tsoka ato amin’ny firenentsika. 10 miliara dolara dia ampy hanarenana indray ny toekarem-pirenena. Etsy an-daniny, misy koa ireo manantena fa afaka manavotra antsika amin’ny harena voajanaharintsika. Ny zava-misy anefa, tsy ny tompontany intsony no mitantana azy ankehitriny. Mila alamina !

Mirija