Edito

Mikatso ny fiainam-pirenena Variana mampahafantatra ny HVM ny mpitondra

Edito
Alarobia 09 Jolay 2014

Tsy lanin’ny vavonin’ny mpitolona etsy amin’ny Magro Behoririka ilay fikasana handoro boaderôzy nambaran’ny minisitry ny tontolo iainana afak’omaly. Sao dia mimoza na kininina no hodorana, hoy ny mpitari-tolona Feno, ka hitohy ny trafika satria olona mpanefoefo no afaka manao izany. Tsy misy zavatra mihetsika eto amintsika, hoy i Eric avy any Antsohihy, manao kajikajy politika sy varina mampahafantatra ny HVM ny mpitondra. Hatramin’ny fanitsiana ny lalànan’ny fitantanam-bola hitantanana ny firenena aza izao tsy mbola misy. Tsy misy manjary eto amin’ny firenena, hoy i Zafilahy Stanislas, ka hivory indray ny GIC-M, tompon’antoka amin’ny toe-draharaha eto Madagasikara. Tsy matoky ilay fitondrana ny vahoaka ka miverina ny fitsaram-bahoaka. Variana amin’ny resaka ka leo ny vahoaka izay mila vokatra ary mitaky ny fodian-dRavalomanana. Very isika Malagasy satria na ny PM aza frantsay, hoy i Zafilahy. Ny tsy fahaizana mitantana no maha lo ny bolabola.

Manohy