Edito

Mihaingo ambonin�ny tsikoko

Edito
Alarobia 05 Oktobra 2016

Lamaody indray izany aloha ny fanorenana ifotony. Izay no teny entina hikaotiana ny sarambabem-bahoaka amin�izao herintaona sy roa volana tsy ahatongavan�ny 2018 izao.

Efa nipetraka foana ary dia mbola averina apetraka hatrany ny fanontaniana hoe “fanorenana ifotony inona?”. Ny fokonolon-dRatsimandrava ve no averina sa ny an’ny Ombalahibemaso? Ireo ihany mantsy izao no azo antoka sy voaporofon’ny tantara hatreto fa tena nahatsapan’ny vahoaka tsy mandady harona fa tena nandray anjara tamin’ny fampandrosoam-pirenena izy ary nahazo tombotsoa. Ny ankoatra izay dia mbola hita ho resabe hatreto ary azo heverina ho haingo ambony tsikoko ihany satria dia ilay teny hoe “ifotony” fotsiny no re maneno sy mirentirenty fa raha ny fihetsik’ireo mpanao politika mivoy azy io dia toa ..tsy misy fotony. Nilaza ny hiafara amin’ny fanonganana ny sasany kanefa dia nandamindamina indray tato aoriana. Handrodana mba hanorina ve sa hifampidinika iaraha-manangana, sa be resaka mba hhazo seza ? Ny zava-misy iaraha-mahalala aloha dia hita ho mitombona tokoa ny filazana fa misafotofoto ny raharaham-pirenena. Ny loza anefa dia isika samy isika ihany no hiharam-pahavoazana eto.

Mirija