Edito

Miantehitra amin�ny hazo boboka !

Edito
Zoma 12 Mey 2017

Ekena fa tsy ny mpitondra fanjakana isan-tsokajiny no handrotsa-bary any am-bilanin�ny tsirairay, saingy mba tokony ho hita ihany ny fandraisan�andraikitra na tsy mivantana aza kanefa tsy izay no miseho, fa dia ny ho any am-paosy ihany, ho any am-paosy hatrany no masaka an-tsain�ny mpitondra sy ny mpanao politika.

Samy mahay miresaka daholo fa ny vahoaka aloha vao kapaoka! Samy mahay mikabary fa ny fampandrosoana an’I Madagasikara sy ny fitsinjovana ny vahoaka Malagasy izay mangetaheta fandrosoana no vaindohan-draharaha. Tsy nisy tsy niteny an’izany saingy maro ny nampanantena fa vitsy aloha no nahatanteraka, mba tsy hilazana fa tsy nisy. Miantehatra amin’ny hazo bobaka ny Malagasy fa izay mandeha raha tsy malaza amin’ny fanondranana boaderozy dia tompon-dakan’ny fanodikondinonana volam-panjakana sy ny maro hafa. Ny fampandriana andrisa manginy fotsiny, ka ato ho ato indray dia hiverina ny fampanantenana paradisa. Efa voazanaka ara-tsaina sy ara-panahy tokoa angamba ny Malagasy, ary mety voahozona hanana mpitondra tia tena sy mpandroba firenena, ka miaka-peo am-boalohany fotsiny fa manaiky ny tsy maty manota sy ny fanitsakitsahana hatrany an-tampondoha ihany rehefa mandeha ny ora sy ny fotoana.

Toky R