Edito

Miandry izay havoakany !

Edito
Alarobia 11 Martsa 2015

Tsy nifidy filoha vaovao asolo an�i Atallah Beatrice ny CENI-T fa dia ny filoha lefitra ihany no natao ho filoha vonjimaika hitantana ity sampandraharaha misahana ny fifidianana ity. Hay ve ka azo amboamboarina tahaka izany ilay lal�na e ! Dia efa tahaka izany mihitsy ve izany ny fomba fanao eto

Madagasikara ? Manao izay mahametimety azy ireo manampahefana, dia manaraka fotsiny ny vahoaka. Na izany aza, mandeha ny feo fa tsy narisika tamin’ny hifidianana filoha vaovao na hampidirana filoha vaovao hitantana ny CENI-T ireo mpikambana ao aminy noho ny ahiahy sao hiova daholo ny fomba fiasa na sanatria olona atao fitaovana hampandresy ny antoko eo amin’ny fitondrana fotsiny izay filoha vaovao ho avy eo. Ny ahiahy tsy hihavanana, hoy isika malagasy, koa dia io nanapa-kevitra ny hanohy ny tetezamita io ry zareo mpikarakara ny fifidianana, ary olona efa mahafantatra ny asa rehetra fanao no misolo toerana vonjimaika ny filoha. Hafahafa izay ihany moa ny fandehan’ny raharaha eto Madagasikara amin’izao fotoana, ary dia miandry izay ho fomba fiasan’ny CENI-T amin’ny fifidianana kaominaly manaraka eo ny rehetra satria efa misimisy ihany ny zavatra nanjavozavo sy nampiahiahy ny maro tamin’ny fifidianana filoham-pirenena sy solombavambahoaka tamin’ny 2013.

RTT