Edito

Miandry fahagagana

Edito
Zoma 23 Oktobra 2015

Ao anatin�ny mangidy no misy ny mamy, hoy ny fitenenana izay. Ankehitriny, maro ny olona kivikivy ihany fa toa tsy misy mamy azo antenaina mihitsy amin�izao ngidin�ny fiainana izao

. Nipoapoaka ny kabary tamin’ny fifampiarahabana noho ny taom-baovao teny Iavoloha tamin’ny volana janoary, hifarana afaka roa volana ity ny taona fa tsy hita ihany izay tena marina. Ny zava-nisy tamin’ny taona 2013 fony tetezamita ihany no mbola iainana : tsy misy ny asa mivaingana vita, tsy misy ny vola, mitombo ny asan-jiolahy, miha mahazo vahana ny delestazy. Fisehosehoana ivelany mba hanamarinan-tena sy hanakianana foana ny hafa ho sakana amin’ny asa fampandrosoana no ataon’ireo mpitondra. Rehefa zohiana anefa ny zava-misy dia ry zareo ao amin’ny fitondrana mihitsy no tena sakana e ! Izao dia tadiavina homena toerana sy tombontsoa avokoa ireo fianakaviana akaiky ny mpitondra, ka aiza moa no hahatoky antsika ny mpiara-miasa sy mpiara-miombon’antoka e ! Tsy misy anefa ny vahaolana aroso fa dia mitan-takolaka miandry fahagagana ny mpitondra.

RTT