Edito

Miaka-dapa

Edito
Zoma 16 Oktobra 2015

Hifantoka eny Iavoloha indray anio ny sain�ny mpanara-baovao, noho ilay fihaonana voalohany eo amin�ny filoham-pirenena sy ireo ben�ny tan�na manerana ny nosy.

Hifantoka eny Iavoloha indray anio ny sain’ny mpanara-baovao, noho ilay fihaonana voalohany eo amin’ny filoham-pirenena sy ireo ben’ny tanàna manerana ny nosy. Manana anjara toerana lehibe amin’ny fampandrosoana ny firenena ny ben’ny tanàna no sady manana ny maha izy azy ireo ihany koa eo amin’ny tontolo politika. Hanome toromarika ny fitondrana foibe, izay azo antoka fa hifandraika amin’ny politika ankapoben’ny fanjakana sy ny PND. Ny mahaliana ny rehetra dia izay mety ho kabarin-dRamatoa Lalao Ravalomanana, izy mantsy no hisolotena ireo ben’ny tanàna rehetra manerana ny nosy amin’ny maha ben’ny tanànan’ny renivohitr’i Madagasikara azy. Izy koa anefa dia nandresy ny kandida notohanan’ny HVM ary vinavinain’ny mpanara-baovao politika fa mety ho anisan’ireo ho kandida filoham-pirenena manaraka eo. Manana lanja politika manokana i Lalao Ravalomanana ary azo antoka fa anisan’ireo ben’ny tanàna tena hisongadina ato anatin’ny taona vitsivitsy hifandimby eo raha ny fandaharanasany no jerena. Tsy mbola afaka ao an-tsain’ny rehetra koa anefa ilay hoe mifandona amin’ny fitondrana foibe foana izay mitantana an’Antananarivo…Asa na efa tantara izany sisa na mbola hiverina indray.