Edito

Mbola politika ve ?

Edito
Alakamisy 01 Jona 2017

Mahatsikaiky ihany ho an�ireo olona tsy dia sarotim-po loatra saingy mahasorena kosa ho an�ireo sarangan�olona leo famitaham-bahoaka sy tena mahalala ny atao hoe politika ny mandre fa niompana tamin�ny �vatsin�Ankohonana� no tena nandaniana ny volam-panjakana hatreto.

Mampatsiahy sahady ny fanehoan-kevitry ny praiminisitra teo aloha izay vao tamin’ny talata teo hoe asa sosialy ve no tokony ho laharam-pahamehana sa fotodrafitrasa maharitra. Marina fa heno tamin’ny tatitry ny avy eo anivon’ny governemanta teny amin’ny antenimieram-pirenena eny Tsimbazaza ihany omaly ny tarehimarika sasantsasany milaza fa fotodrafitrasa nahatratra 300 no vita mikasika ny resaka tetikasa fitsinjaram-pahefana eny anivon’ireo kaominina. Vola mitentina 2,50 miliara ariary, hoy ny tatitra, no lany nanamboarana lalankely sy trano fivoahana saingy ireo depiote izay nanontaniana anefa saika nitatitra avokoa fa tsy naheno ny akon’izany tamin’ireo vahoakany. Mbola politika tokoa ve ilay atao sa tapi-maso ?

Mirija