Edito

Mbola misy tsy mazava

Edito
Talata 12 Janoary 2016

Samy nisento tokana ny rehetra rehefa nahafantatra halina fa votsotra teo am-pelatanan�ireo mpaka an-keriny i Arnaud, ilay tovolahy 17 notazonina niaraka tamin�ny anabaviny izay efa novonoina tamin�ny fomba feno habibiana moa.

Hanazava misimisy kokoa momba ity raharaha ity ny tonia mpampanoa lalàna ao Toamasina ary dia ho hita eo satria mbola sombitsombim-baovao fotsiny no voaangona sy azon’ny mpanao gazety omaly. Misy koa moa ny tsy maintsy fanajana ny lalàna sy ny tsiambaratelon’ny fanadihadiana amina raharaha tahaka itony. Maro ny resaka re momba ity raharaha « kidnapping » tany Toamasina ity. Voalohany amin’ireny ny fidangan’ny vola nangatahan’ireo mpaka an-keriny tany am-boalohany (4 tapitrisa euros) ary nahoana no io tarehimarika io mihitsy ilay izy fa tsy 3 na 5 tapitrisa euros, ohatra ? Nisy ihany koa ny mpandraharaha, mpiasan’ny fitsarana, mpitandro ny filaminana, mpandraharaha ny fonja efa migadra voatonona tao anatin’ity raharaha ity. Ahoana ny momba azy ireny ? Inoana fa mbola hisy ny fanadihadiana fanampiny ataon’ny mpitandro ny filaminana sy ny fitsarana satria mbola maro ny resaka manjavozavo. Raha tsy hoe mangina ho azy eny indray tahaka ireo dosie mafampana rehetra nisy hatrizay ny raharaha.

RTT