Edito

Mbola misy

Edito
Alatsinainy 16 Aogositra 2010

Ao amin’ny Fiangonana no mbola ahitana firaisankinan’ny Malagasy, koa dia ataon’ny FAT, sy ny firenena vahiny ao andamosiny, izay hampisaratsaraka azy. Ny fivavahana kristianina no anisan’ny fitaovana nampidirana ny fanjanahana teto Madagasikara. Nanao politika izy tamin’izany, ankehitriny tsy avela hanao. Nivadika ny rasa fa ireo kristianina natao ho boloky no lasa tia tanindrazana nampiasa ny kristianisma hiadiana tamin’ny fanandevozana ankolaka, hiadiana amin’ny fanjanahana mivantana sy miafina (néocolonialisme). Dia izao sakantsakanana izao. Nisy tokoa ireo pasitera malaza nitolona, nampianatra, namoha ny mason’ny Malagasy (Andrianaivoravelona, Rabary, Ravelojaona...). Fa koa, ny fanjanahana namorona mpitondra fivavahana tia vola, tia voninahitra, miseho izany rehefa misy ny fasahiranana, mivoaka ny tena ao am-pon’ny tsirairay. Ny mampalahelo dia mbola misy mpanaraka izy ireny, jamban’ny kabary sy toriteny tsara lahatra, tsy mijery lavitra fa ahetry lava, tsy mitraka fa «mpanota», atao mpanao «oui mosé», tsy ho olona afaka mihitsy.