Edito

Mbola ho lavitra ny lalana.

Edito
Alakamisy 13 Jolay 2017

Ny an-daniny mangeja, ny an-kilany mandrangitra, misy koa ny miandry kendritohana, hoy ny fanehoan-kevitra iray izay mahita ny fiainantsika eto amin’izao fotoana.

Tsy misy afa-tsy ny vahoaka anefa no mizaka ny vokany. Raha ny hita miharihary aloha, lasan-ko vavany fotsiny mpitondra sy ny mpanohitra milaza ho mahatsapa ny fahoriam-bahoaka. Ireo miantso fihavanana indray amin’izao fotoana no lazaina fa mpanakorontana. Mbola ho lavitra ny lalana raha ny fahitana ny fizotra sy hafainganam-pandeha amin’ny fihazakazahana ho any amin’ny tombontsoam-bahoaka sy ny firenena. Miharihary mantsy ny kajikajy politika isan-karazany izay voaporofo fa tsy mitondra na inona na inona ho an’ny rehetra matoa mbola hiatrika fiakaran’ny vidim-piainana sy vidin-jiro, araka ny efa voalazan’ireo manampahefana isika ato ho ato. Rahoviana ary vao hiverina indray ny fihavanana ?

J. Mirija