Edito

Mbola ho avotra ve ?

Edito
Alakamisy 20 Jolay 2017

Firy taona izao no nikasana hanatontosana ny fampihavanam-pirenena ary efa im-piry niova ny anaran’ireo rafitra no

kasaina hitarika an’izany ? Tafapetraka ve anefa izany izao ? Fanontaniana tsy azo hihodivirana io amin’ny raharaham-pirenena ankehitriny izay nopotehana sy nampizarazaran’ireo mpanjanaka vaovao ny vahoaka manerana ny nosy tamin’ny alalan’ireo krizy nifanesisesy vokatry ny fandrodanam-pitondrana teto. Mbola hantenaina hihavana ve ny mpifahavalo sa na ireo mpinamana aza ahiana hiady ? Raha vantanina ny resaka dia mbola mety hivaha ve ny otrik’ady izay efa mitady hiseho amin’ny alalan’ny fitsaram-bahoaka sy ny tsy fandriampahalemana ? Sa hivadika adim-poko araka ny fanahian’ireo mpanao politika ? Ny fahantrana, tsy fandriampahalemana, fikorontanana eo anivona andrim-panjakana stratejika, fanajabahana mpitondra dia samy hita eto daholo. Mbola ho avotra ve ny firenena ?

J. Mirija