Edito

Maty tsy manota

Edito
Alatsinainy 26 Septambra 2016

Manomboka miha mafampana ny toe-draharaham-pirenena ankehitriny. Miha mahazo vahana ny mpanohitra ny fitondrana ary efa mahasarika

olona ny mpanao politika hanao ny fomba fanao nahazatra teto amin’ny firenena. Mitady hiverina ny tantara satria dia saika toy izao avokoa no niantombohan’ireo hetsika nandrodana fitondrana teto amintsika. Raha nitokana ny kianjan’ny demokrasia ny filohan’ny antoko TGV tamin’ny fotoan’androny dia navela nalalaka satria nambarany fa hanehoan-kevitra an-kalalahana no antom-pisian’ny kianja. Ny zava-nisy anefa dia fotoana sy volana vitsivitsy monja dia nivaona tamin’ny fifanarahana ka lasa fikotrehana fanakorontanana ary dia nampipoaka ady. Tsy mahagaga raha mailo ny fitondrana ankehitriny ka mangeja tanteraka ny fahafahana na dia fantany aza fa tsy mety ny ataony. Ny mampalahelo anefa dia toy ny tonga amin’ny fitenenin’ny mpikabary iray izay hoe : « ny tsy maty manota mampiasa ny vahoaka hiadian-tseza ka manjary ilay vahoaka indray ity no maty tsy manota ».

Faralahimatoa