Edito

Matim-boninahitra

Edito
Alatsinainy 24 Jolay 2017

Sambany teo amin'ny tantaran'i Madagasikara ny hoe ny filoha Malagasy no filohan'ny Frankofonia. Amin'ny lafiny iray dia mety ho voninahitra saingy raha dinihina amin'ny zava-misy eto amin'ny firenena sy araka ny fijerin'ny

Malagasy mpitazana kosa dia tonga amin'ilay fitenenana hoe ny an-tratra tsy lavo, ka antsoy ihany koa ny raiben'ialahy. I Madagasikara aza tsy hita izay fomba hoenti-mitantana sy mamaha ny olana, ny kolikoly sy ny afera maizina no mampalaza ny mpitondra ary fahantrana tapitr'ohatra no iainan'ny Malagasy. Dia mbola mirehareha amin'ny voninahitra, izay zary henatra ny mpitondra. Ny filohan'ny firenena sokajiana ho mahantra indrindra eto ambonin'ny tany no filohan'ny rafitra iraisam-pirenena goavana indrindra, kanefa dia tsy menatra hoe ny firenen'ny tena farahidiny sy ataon'ny hafa fanoharana amin'ny ratsy toy ny firenen'ny moramora, kanefa mbola miedinedina ihany satria matim-boninahitra.

Toky R