Edito

Manomboka mivadi-dela

Edito
Zoma 07 Aogositra 2015

Ny ela maharay roa, ary ny toerana manova olona. Voaporofo io tenin�ny Ntaolo io ankehitriny indrindra ho an�ny mpitondra ankehitriny

. Teny ampiandohana tokoa mantsy dia nanao litania miantso fifanomezan-tanana, fihavanana sy fifankatiavana izy ireo satria ratsy fototra, tsy nanana na dia tamingana olom-boafidy izay hiateherana aza. Na ny antokony aza moa vao noforonina. Ankehitriny, vao mba fifidianana iray no andalam-pahavitana dia efa manomboka mivadi-dela ka voambolana hafahafa indray no mivoaka ny vavan’ny mpitondra ; mahavita manilika tsotra izao ireo mba nanome tanana azy ka manao hoe : mialà ! Izao indray dia tondroina ho manakorontana ireo izay mitaky ny fahamarinana sy hanajana ny safidim-bahoaka. Dia inona indray no hambara rahampitso, sa tsy hiteny intsony fa hanokatra avy hatrany ny varavaran’ny fonja handefasana izay tsy mitovy hevitra ka hotondroi-molotra fa nandika lalàna? Sa izay no ao ambadik’ity fandraisana fanapahan-kevitra misoko mangina amin’ny fanalalahana ny volamena sy basy ity, amin’izay samy mandeha samy mitady, mankany Texas e ?

Jean D.