Edito

Manomboka mazava ny resaka

Edito
Talata 02 Jona 2015

Tsy misy zava-banona eny amin�ny antenimieram-pirenena, miandry izay ho vokatry ny fitoriana napetrak�izy ireo teny amin�ny fitsarana avo momba ny lalampanorenana ireo solombavambahoaka ;

ao anatin’izany rehetra izany dia manao tohivakana ny fanambarana fanohanana ny filoham-pirenena sy fanoherana ny fihetsik’ireo olomboafidy 121 teny Tsimbazaza nifidy ilay fanonganana azy.Mahagaga fa tsy nisy mihitsy hatreto aloha fanambarana mba nisesisesy koa nilaza fa marina sy mitombina ny fiampangana natao ny filoha, sa ve efa manana paikady hafa mihitsy ry zareo eny Tsimbazaza fa tsy hiroso amin’ny resaka serasera intsony.Misy isan’andro koa ny fihaonana etsy sy eroa, moa va tsy izay ilay hoe tsy misy tsy vitan’ny fifampiresahana ; omaly dia maro ireo nanombatombana fa tsy hahazo rariny eny amin’ny HCC ireo solombavambahoaka ary tsy hisy filoham-pirenena hiongana izany eto ; ny atahorana aza hoy ny resaky ny olona eny rehetra eny dia ny filoha indray no handrava ny antenimieram-pirenena izay miha ratsy endrika hatrany no ho ny resaka vola be mifamezivezy ao isaky ny misy fifidianana atao ao.Ny sehatra iaisam-pirenena ihany koa, hatreto aloha dia hita fa mitsipaka ny mety fanesorana amin’ny teorany ny filoham-pirenena tsy amin’ny alalan’ny fifidianana, ka dia asa indray izay savorovoro politika hitanga eto aorian’ny fivoahan’ny fanapahan-kevitry ny HCC.

RTT