Edito

Maneso ny vahoaka

Edito
Alarobia 10 Jona 2015

Mampalahelo ireo trangan-javatra nisesisesy teto amin�ny firenena tao anatin�ny herinandro vitsivitsy izay, hoy ireo ampahan�olona afaka maneho hevitra amin�ny alalan�ny haino aman-jery maro eto an-drenivohitra sy ny manodidina.

Tsy vitan’ny manalabaraka ny tenany intsony mantsy ireo mpitondra fanjakana fa tena mampitsanga-menatra an’i Madagasikara sy ireo mponina ao aminy, araka ny fanehoan-kevitr’ireo olona miantso an-tariby. Mitovy avokoa ny fomba fitenin’ireo mpanao politika rehefa haka ny fon’ny vahoaka mandritra ny fampielezan-kevitra dia ny hanala ny fahasahiranana sy ny fahantran’ny mponina eto Madagasikara. Tsy mikatsaka afa-tsy fahazoana seza miaraka amin’ny fiarovana ireo tombontsoa sy ny fampitomboana ireo harena efa eo am-pelatanany anefa izy ireo rehefa lasa olom-panjakana ambony. Porofon’izany ny fikirakiran’ireo manampahefana ireo volabe miparitaka etsy sy eroa tahaka ny nitranga farany teo teny Namontana. Midika ho fanesoana ny fahantran’ny vahoaka Malagasy maro an’isa ny fihetsika toy ireny, araka ny fahitan’ireo olom-pirenena mpanara-baovao. Ny olon-tsotra izay tsy te handany andro handinika politika avo lenta fa kosa miandrandra fiainana tsaratsara kokoa araka ny nampanantenaina azy.

Ramano F