Edito

Maneno kiririoka sa ….

Edito
Talata 08 Aogositra 2017

Heverina fa hanomboka hisesy amin’izay izany izao ny fanambarana amin’ny fomba ofisialy hitanjozoran’ireo mikasa ho kandidà filoham-pirenena amin’io taona ho avy io.

Efa naman’ireo nijolofotra kosa etsy ankilan’izay ary zary fihomehezan’ireo mpitondra ankehitriny fotsiny aza angamba ve ireo fanambarana maro be teo aloha niantefa tamin’ny fitondram-panjakana hoe tsy mety intsony izao fitondrana izao na koa hoe mila ravana faran’izay haingana ? Tsy hay anefa aloha izay ho avoaky ny ampitso fa dia aleo tsy miteny betsaka. Aiza no hamantarana na mety ho ambadik’ireto mikasa hidina an-dalam-be eto an-drenivohitra iretsy mifandimby milaza ny filatsahany iretsy. Manahirana ihany ny mieritreritra hoe fifandrifian-javatra ny elanelana 1 andro nahatongavan’ny praiminisitra teo aloha sy ny vaovao aparitaka momba ny filohan’ny tetezamita teo aloha. Eo ihany koa ny hoe vovonana mbola tsy nidina an-dalambe hatramin’izay no mikasa hidina amin’izay. Efa maneno kiririoka ve sa mba tsobo-dranon-dRamiangaly fotsiny aloha e ?

J. Mirija