Edito

Mandrora mitsilany !

Edito
Alakamisy 09 Martsa 2017

Mandalo vanim-potoana sarotra tanteraka ny firenena amin�izao fotoana izao. Ny hanin-kohanina tsy ampy satria ratsy ny vokatra tamin�ity noho ny haintany navaivay tao anatin�ny volana maro. Izao indray mamely mafy ny rivodoza ka ny 80%-n�ny velaran�i Madagasikara no mibaby ny voka-dratsiny.

Dia tena maro mihitsy ny milaza velom-panontaniana hoe : efa tena firenena voaozona ve ity firenentsika ity sa ahoana mihitsy ? Ny mpitondra tia tena, ka tsy misaina afatsy ny hameno paosy, ny vahoaka maditra sy sarotra hentina, ka tsy atao mahagaga raha samy maka ho azy sy manao fanjakam-boalavo ka samy mamotika izay tandrify azy. Tsy mba haintsika mihitsy izany hitsinjo ny ampitso izany, ka zary lasa mifanome tsiny lava rehefa mivaly amintsika ny voka-dratsin’izany. Tsy tongatonga ho azy ny zavatra toy izao fa isika ihany no mamosavy tena sy mandrora mitsilany. Sesilany, ohatra, ny fanimbana ny tontolo iainana toy ny fandripahana ala any amin’ny Faritra Atsinanana sy avaratry ny Nosy. Antony lehibe mampiovaova ny toetr’andro izany ka mampahery vaika hatrany ny loza voajanahary. Ekena fa misy foana ny loza voajanahary fa fa tsy ho toy izao misy ankehitriny izao mihitsy no ho fiantraikany raha nahay niaro sy nitsinjo ny tontolo iainana isika fa tsy nentin’ny fitiavantena ka tsy nisaina afatsy ny hamotika.

Toky R