Edito

Mandany lera

Edito
Talata 05 Septambra 2017

Mbola anjaran’ny fitondram-panjakana hatrany ve amin’izao fotoana nY milaza fa maika ny fampandrosoana ? Moa ve tsy efa ela izy io no tokony ho natomboka ?

Toa ireo efa voalaza hatramin’ny niandohan’izao fanjakana HVM izao hatrany no mbola re am-bavan’izy ireo ankehitriny ary toy ny efa kolontsaina raiki-tampisaka mihitsy ilay mampanantena lava. Dia toy ireny mpilalao baolina kitra mitrandraka ady sahala na te handresy amin’ny isa tery dia tery ireny ny mahita ny fitondrana mijoro amin’izao fotoana. Ny mampalahelo dia toa diso fahavalo no fahitana azy. Ny efa nisy hatrizay ihany, izany hoe izay eo amin’ny fitondrana no mpandresy ary izay tsy eo, toy ireo vahoaka mitrongy vao homana, no toa heverin’izy ireo ho resy. Dia mandany lera miandry ny kiririoka farany sisa no hataony. Iza anefa no hanome amboara azy ireo rehefa vita ilay lalao ? Ireo vahoaka nalonany tanaty fahantrana sa ireo fianakaviambe iraisam-pirenena izay tsy resy lahatra amin’ny fomba fitantanana misy eto ankehitriny ?

J. Mirija