Edito

Manala vonkona

Edito
Alarobia 11 Jolay 2012

Miakatra ny soratra raha filma no jerena mikasika ilay �op�ration Remenabila�.

Tsy hita popoka ity lehiben’ny dahalo mandravarava any atsimo ity. Kaontiny niveri-maina mba tsy hilazana fa nilavo lefona ireo andia-miaramila manokana nalefa tany atsimo hanao hazalambo an-dRemenabila. Ny vokatra ho azy ireo dia ny nahafahana nanavotra ny fatin’ireo zandary sy miaramila ary sivily, 12 lahy, maty teo am-panatanterahana ny asany raha nifanehatra tamin’ny tarik’i Remenebila ity. Taorian’izay dia miraradraraka izao ny filazana fa dia handraisana fepetra hentitra ireo mpiasam-panjakana mitokona, ary nasian-teny manokana ny mpitsabo.

Any indray ny mpitondra no manala vonkona rehefa tsy nahita vokatra mazava tany atsimo. Nampiasaina avokoa ny tetika famonoana afo, toy ny fandefasana “gros bras” handrava ny fitokonana, ny fandefasana fandrahonana amin’ny SMS, fisamborana mpitarika sendikaly, saingy tsy nampihemotra ireo mpanao fitakiana sendikaly izany, ary vao mainka aza izy ireo hiroso amin’ny fitokonana lavareny manomboka anio.

Jean D.