Edito

Mamboly korontana !

Edito
Alatsinainy 14 Aogositra 2017

Tsy mety tapitra ny fandranitana sy fihantsiana ady. Efa efa miditra amin’ny aty vilanin’ny hafa mihitsy ny fanjakana HVM amin’ny filam-boatsiary sy famoretana,

kanefa ny fanjakana no tokony ho filamatra amin’ny fitandroana filaminana eto amin’ny firenena. Tsy izay anefa no miseho ankehitriny, fa te hampiseho sy hiedininedina fa matanjaka sy afaka manao izay tian-katao, ka mamboly korontana etsy sy eroa, raha tsy hilaza amin’io fihetsika atao amin’ny antoko Tiako i Madagasikara io. Izany tokoa ve no entina hanaporofoana fa ny antoko HVM no matanjaka indrindra eto Madagasikara, araka ny efa nolazain’i Rivo Rakotovao? Novoizina hatrany ny hoe mila manaja lalàna, saingy ny antsoina hoe lalàna eto amintsika amin’izao fotoana izao, dia izay fepetra sy kajikajy mety amin’ny HVM, fa izay voafaritry ny lalàm-panorenana na lalàna voasoratra isan-tsokajiny any, dia efa ela no nohitsahiny sy tsy manan-kery eto amin’ny tanin’ny Repoblikan’i Madagasikara. Ny basy aman-tafondro no miteny eto, fa izay andinin-tsoratra any tsy mikaonty, ka isan’ny manaporofo izany ny hoe ny didim-pitondrana avoakan’ny prefektiora no manan-kery sy manan-danja eo anatrehan’ny didim-pitsarana sy didy avoakan’ny filankevi-panjakana,…

Toky R