Edito

Malaza ratsy

Edito
Zoma 09 Septambra 2016

Dia efa tena malaza ratsy mihintsy ity firenentsika ity. Ankoatran�ny laza ratsin�ny manam-pahefana Malagasy

sasany amin’ny resaka fanondranana harem-pirenena dia misy endrika hafa hitan’ny vahiny indray. Navoakan’ny sampandraharaha anglisy iray antsoina hoe Mercer, mpanome torolalana momba ny fitsidihana na fizahantany amina firenena iray fa laharana faha 218 amin’ny 230 ny Renivotr’I Gasikara eo amin’ny filaminana ara-politika, ny fahadiovana, ny fandriampahalemana. Ny vahiny mihitsy no efa manaporofo fa anjakan’ny gaboraraka ny renivohitra noho ny tsy fandraisan’andraikitra nisy teto. Miezaka manarina izany lesoka izany ny mpitantana ankehitriny saingy enjehina sy finganina. Ny fanjakana foibe no mijoro hisakana ny fampandrosoana tian-kapetraka eto noho ny lonilony politika sy ny tahotra ny ho takona. Dia ny fampandrosoana sy ny fampanarahan-dalàna mihintsy ve no sakanana raha ny mpitantana ny Kaominina no tsy tiana? Sady efa tsy mahavita ny adidiny amin’ny vahoaka ny fanjakana no mbola sakana amin’ny fampandrosoana sy lohalaharana amin’ny fampanjakana ny gaboraraka.

Toky R.