Edito

Lanin�ny mamba indray ny volabe ?

Edito
Talata 27 Desambra 2016

Toy ny rano mikoriana ny fampanantenana mivoaka ny vavan�ny mpitondra eto, fa ny fanatanterahana dia mbola lavitr�ezaka. Raha misy aza izay mba asa kely atao dia fizahozahoana sy fanaovana propagandy no lasa aloha,

fa raha izay finiavana hamaha ny olan’ny Malagasy dia mbola nofinofy aloha hatreto. Noresahin’ny mpitondra nialoha ny fety fa tsy hisy ny fahatapahan-jiro mba hanomezana fahafaham-po ny Malagasy mandritra ny fety. Nambara mihitsy fa vola be no natokana ho amin’izany, satria am-polony miliara mihitsy, mba hahafahan’ny rehetra mifety am-pilaminana. Tsy izay anefa no niseho fa saika manerana ny Nosy no ahitana jiro sy rano tapaka. Nankaiza ilay volabe noresahina fa hamahana ny olana na dia fotoana vitsy ihany aza ? Firifiry ny mpitondra eto amin’ny firenena no mandeha miliba etsy sy eroa amin’izao vaninandro fety izao ? Misy ny any ampitan-dranomasina, maro ny lasa any amorontsiraka mahavita manofa hotely an-tapitrisany. Iza ihany koa no mahalala raha efa nentin’izy mianakavy niliba sy nanao fiainana ny vola tokony hamahana ny olam-bahoaka matoa ny teo ihany no eo. Dia samy niesona indray isika mianakavy fa ny olana efa misonanina sy lavitry ny olana e !

Toky R.