Edito

Krizy vaovao

Edito
Alakamisy 28 Mey 2015

Fanina ny olon-tsotra manoloana ny toe-draharaham-pirenena amin�izao fotoana fa toa mihazakazaka be ilay izy. Nitosaka be ny fanehoan-kevitra, samy tsy maty am-bavany izay miteny.

Politika avo lenta ity, hoy ny resaky ny olona teny an-dalambe omaly tontolo rehefa samy avy namakivaky gazety sy nihaino ireo fandaharana tamin’ny onjam-peo teto an-drenivohitra. Efa re ihany ny faran’ny herinandro teo, mialoha ny pentekosta fa misy ireo solombavambahoaka mikononkonona ny fanonganana ny filoham-pirenena. Noheverina fa efa nilamina ny resaka, kinanjo nivadika zavatra hafa. Tsy nanaiky lembenana koa ingahy filoha ka nampatsiahy fa azony ravana io antenimieram-pirenena. Tsy izany anefa ny laharam-pahamehana amin’izao fotoana, hoy izy. Na ahoana na ahoana ambara dia mandalo krizina andrim-panjakana i Madagasikara amin’izao fotoana, ary tena misy ny olana eo amin’ny samy mpitondra. Ho raharaha ny antsika raha tsy mahay mifanaraka izy ireo a !

RTT